Sveitarfélagið Ölfus hefur boðið út byggingu nýs leikskóla við Bárugötu í Þorlákshöfn. Um er að ræða fjögurra deilda leikskóla og er grunnflötur hússins tæpir 880 fermetrar.
Gert er ráð fyrir möguleika á að stækka leikskólann í sex deildir fyrir allt að 128 börn á síðari stigum.
Skilafrestur tilboða er til 4. mars næstkomandi en byggingin á að vera tilbúin þann 1. september á næsta ári.
Heimild: Sunnlenska.is
