Í framhaldi af úttekt verkfræðistofu á ástandi endurhæfingarstöðvarinnar Reykjalundar var hluta húsnæðisins lokað vegna bágs ástands bygginganna í byrjun þessa mánaðar en Reykjalundur er stærsta endurhæfingarstofnun landsins.
Þetta kemur fram í aðsendri grein þeirra Önnu Stefánsdóttur, stjórnarformanns Reykjalundar, og Péturs Magnússonar forstjóra í Morgunblaðinu í dag.
Grunur uppi um nokkra hríð
Dag hvern njóta um 130 mannsþjónustu Reykjalundar og um 1.300 manns hljóta þar endurhæfingarmeðferð á hverju ári, flestir þeirra í fjórar til sex vikur í senn.
Hefur starfsfólk Reykjalundar um nokkra hríð grunað að hluti húsnæðisins sé ófullnægjandi, hvort tveggja til að veita sjúklingahópnum heilbrigðisþjónustu og þjóna sem vinnuaðstaða starfsfólksins.
Hefur stjórn SÍBS, sem á húsnæði Reykjalundar, verið meðvituð um ástandið og hófst úttekt á því í sumar.
Heimild: Mbl.is
