F.h. Eignaskrifstofu Reykjavíkurborgar er óskað eftir tilboðum í eftirfarandi verk:
Sunnutorg – Samkeppnisviðræður Langholtsvegi 70, Reykjavík. EES útboð nr. 15893
Lauslegt yfirlit yfir útboðið
Innkaupaskrifstofa Reykjavíkurborgar, f.h. Eignaskrifstofu Reykjavíkurborgar leitar að samstarfsaðila sem er með hugmynd að rekstri og nýtingu fasteignarinnar við Langholtsveg 70, Reykjavík, sem hefur gengið undir heitinu Sunnutorg frá því að húsnæðið var byggt.
Óskað er eftir því að áhugasamir leggi fram hugmynd að starfsemi og endurbótum á húsnæðinu og upplýsingar um hvernig starfsemi fellur að því umhverfi þar sem húsnæðið stendur.
Gert er ráð fyrir að viðsemjandi hagnýti húsnæðið á leigutímanum fyrir starfsemina. Áætlað er að gera leigusamning við þann aðila sem þykir eiga bestu hugmyndina að mati matsnefndar.
Allar breytingar, endurbætur og viðbætur á húsnæðinu verða eign Reykjavíkurborgar við leigulok. Umsækjendum er frjálst að nálgast viðfangsefnið frá þeim sjónarhóli sem þeim þykir áhugaverðastur.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 12:00 þann 22. september 2023.
Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 21. nóvember 2023.
