Það voru heimamenn í Þjótanda ehf sem áttu lægsta tilboðið í jarðvinnu fyrir 2. áfanga viðbyggingar við Grunnskólann á Hellu en tilboð voru opnuð í síðustu viku.
Tilboð Þjótanda hljóðaði upp á 76,4 milljónir króna og var 9% yfir kostnaðaráætlun Rangárþings ytra, sem er rétt rúmar 70 milljónir króna.
Tvö önnur verktakafyrirtæki buðu í verkið, Mjölnir vörubílstjórafélag bauð 83,7 milljónir króna og Aðalleið ehf 93,3 milljónir króna.
Verkið felst i færslu á tveim stakstæðum kennslustofum og ásamt jarðvegsskiptum undir nýbyggingu, grunnlögnum og fyllingu inní og utan með sökklum.
Byggðarráð Rangárþings ytra samþykkti á síðasta fundi sínum að taka tilboði Þjótanda.
Verklok flutninga og jarðvegsskipta eru seinnipart ágústmánaðar og fylling og lagnir í grunn um miðjan október næstkomandi.
Heimild: Sunnlenska.is
