Rekstur ÍAV batnaði til muna á síðasta ári, en félagið tapaði um hálfum milljarði samanborið við hátt í tveimur árið áður.
Taprekstur ÍAV hélt áfram en dróst þó saman í fyrra, úr ríflega 1,7 milljörðum í 520 milljónir. Rekstrartekjur drógust saman um tæp 6% en kostnaður verkframkvæmda um tvöfalt það, þó enn væri hann lítillega hærri en tekjurnar. Eigið fé nam 1,3 milljörðum í lok síðasta árs.
Félagið stendur í málaferlum við 105 Miðborg og Íslandssjóði en það hefur krafið þau um 3,8 milljarða króna.
Heimild: Vb.is
