Hafnarfjarðarbær, Strandgötu 6, kt.: 590169-7579, auglýsir eftir tilboðum í verkið: Suðurbæjarlaug 1 áfangi – pottar og vaðlaug, útihús með vaktrými og eimbað ásamt tæknirými.
Suðurbæjarlaug við Hringbraut 77 er gamalgróin laug og laugarsvæði á besta stað í bænum byggr 1989. Nú er komið að viðbótum og endurbótum og er þetta fyrsti liður í þeirri framkvæmd.
Útboðið er almennt opið útboð.
Koma þarf fyrir tveimur pottum fyrir kalt vatn, vaðlaug, útihúsi sem mun hýsa nýtt eimbað, útigeymslu og vakt rými. Kerin eru steinsteypt og flísalögð í hólf og gólf. Útihúsið verður reist á steyptum sökkli og gólfplötu og húsið sjálft timburhús klætt álplötum að utan og harðplastplötum að innan. Gert er ráð fyrir að eimbaðið verði stöðluð framleiðsla úr plasteiningum sem komið verður fyrir inn af forrými. Tækniklefinn er eins uppbyggður en klæddur að utan með timburklæðningu eins og er á núverandi húsi.
Til að koma fyrir útihúsinu þarf að fjarlægja áhorfandapalla sem eru þar fyrir og til að koma fyrir vaðlauginni þarf að saga burt hluta að þaki og veggjum lagnakjallara.
Þessum verkþáttum skal skilað á tveimur dagsetningum þ.e. ker og vaðlaug 01.09.2022 en útihúsi og tækniklefa 01.10.2022.
Helstu stærðir:
- Byggingar 20 m²
- Vatnsfletir 85 m²
- Flísalögn kerja 120 m²
Nánari upplýsingar má finna í útboðsgögnum sem eru rafræn og verða aðgengileg hér á síðunni frá og með mánudeginum 13. júní 2022 kl.11:00.
Opnunartími tilboða er mánudaginn 27. júní 2022 kl 11:00 hjá umhverfis- og skipulagssviði Hafnarfjarðarbæjar að Norðurhellu 2, 220 Hafnarfirði, að viðstöddum þeim bjóðendum sem þess óska.
