F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Miðborgarleiksskóli og miðstöð barna. Umsjón og eftirlit, EES útboð 15567
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 14:00 þann 7.júní 2022.
Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 7. júlí 2022.
Lýsing á verkinu:
Verkið snýst um umsjón og eftirlit fyrir hönd verkkaupa með framkvæmdum við uppbyggingu nýs leikskóla og fjölskyldumiðstöðvar við Njálsgötu 89, 101 Reykjavík.
Framkvæmdin felst í uppbyggingu og lóðarfrágangi.
Húsnæðið er á þremur hæðum þar sem leikskóli verður á fyrstu 2. hæðum og á 3. hæð verður staðsett fjölskyldumiðstöð. Á lóðinni í dag er gæsluvöllur með steinsteyptum vegg á lóðarmörkum. Núverandi byggingar á lóð verða nýttar áfram sem hluti af leikskólastarfinu.
Hönnun byggir á vinningstillögu Basalt arkitekta og Landslags í hönnunarsamkeppni á vegum Reykjavíkurborgar og Arkitektafélags Íslands sem haldin var um haustmánuðum 2020.
Helstu stærðir bygginga eru:
- Leikskóli og fjölskyldumiðstöð (MHL. 03) á þremur hæðum auk tæknikjallara. Megin byggingarefni er krosslímdar timbureiningar. Heildarstærð nýbyggingar er 1.435,6 m2.
- Núverandi byggingar á lóð (MHL. 01 og 02) eru á einni hæð alls 63,7 m2.
Helstu verkþættir eru:
- Uppbygging og fullnaðarfrágangur húsnæðis
- Lagning raf-, loftræsti og lagnakerfa
- Fullnaðarfrágangur lóðar
