F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Hverfið mitt 2021-22 austur – Stálstigar, útboð 15553
Í síðustu hverfakosningum Hverfið mitt 2021-22 kusu íbúar í Breiðholti að láta setja upp þrekstiga á milli efra- og neðra Breiðholts. Íbúar Grafarvogs kusu einnig að láta setja stiga ofan í fjöruna við Gufunes.
Í Breiðholti felst verkið í uppsetningu stiga úr stáli sem mun liggja yfir landinu og verður festur niður með jarðvegsskrúfum, til að lágmarka rask á landi og gróðri.
Einnig í gerð áningarstaðar við neðri hluta stigans með vatnspósti og upphækkaðrar gönguleiðar yfir götu sem liggur að stiganum. Í Grafarvogi mun stiginn liggja frá göngustíg undir Gufuneshöfða, yfir sjóvarnargarð og ofaní sandfjöru þar fyrir neðan.
Áætlað er að verkinu verði lokið fyrir 1. september 2022.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 13:00 þann 16. maí 2022.
Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 31. maí 2022.
