Vegagerðin og Hafnarfjörður óska eftir tilboðum í eftirlit og ráðgjöf með framkvæmdum við breikkun Reykjanesbrautar (41) á um 5,6 km kafla frá Krýsuvíkurvegi að Hvassahrauni.
Verkið felst í tvöföldun vegarins, gerð mislægra vegamóta og vegtenginga ásamt undirgöngum fyrir gangandi og hjólandi umferð. Innifalið í verkinu er m.a. færsla og endurnýjun lagna, frágangur veglýsingar og gerð vigtarplans.
Val bjóðanda fer fram á grundvelli hæfismats og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfi bjóðanda og verðtilboð.
Verklok framkvæmdarinnar eru áætluð á fyrri hluta árs 2025.
Útboðsgögn eru aðgengileg og verða afhent í rafræna útboðskerfinu TendSign frá og með fimmtudeginum 31. mars 2022 og skal tilboðum skilað rafrænt í því útboðskerfi fyrir kl. 14:00 þriðjudaginn 3 maí 2022.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda í útboðinu. Þriðjudaginn 10. maí 2022 verður bjóðendum tilkynnt stigagjöf í hæfnisvali og verðtilboð bjóðenda.
Útboðið er auglýst á Evrópska efnahagssvæðinu.
Leiðbeiningar fyrir útboðsvefinn TendSign.
