Ökumaður gröfu sem var við vinnu í grjótnámu skammt frá Akureyri var fluttur á slysadeild Sjúkrahússins á Akureyri í morgun eftir að grjót hrundi á vélina.
Lögreglan rannsakar tildrög slyssins
Morgunblaðið greinir frá slysinu á vef sínum. Slysið varð í grjótnámu skammt frá Akureyri klukkan níu í morgun og var maðurinn fluttur á slysadeild.
Arnfríður Gígja Arngrímsdóttir, aðstoðaryfirlögregluþjónn hjá Lögreglunni á Norðurlandi eystra, segir að nú sé verið að rannsaka tildrög slyssins.
Hún vildi ekki veita upplýsingar um líðan mannsins að svo stöddu.
Heimild: Ruv.is
