Framkvæmdir við tvo nýja gervigrasvelli Þróttar á „Valbjarnarsvæði“ eru hafnar og verður um að ræða mikla búbót fyrir félagið.
Jarðvegsvinnu á að ljúka þann 20. maí og hefst þá vinna við lagningu á gervigrasinu og uppsetningu á ljósamöstrum kemur svo í beinu framhaldi.
Uppbygging á svæði Þróttar hefur lengi verið til umræðu en þær fara nú af stað af miklum krafti.
Vellirnir tveir verða staðsettir fyrir aftan Laugardalsvöllinn þar sem íslensku landsliðsin í knattspyrnu spila.
Ákall er um frekari framkvæmdir í þessu hverfi en ekkert íþróttahús í fullri stærð er á svæðinu sem börnin í hverfinu hafa aðgang að.
heimild: Frettabladid.is
