Garðabær óskar eftir tilboðum í verkið: Leikskólinn Urriðaholti – Bygging og fullnaðarfrágangur húss og lóðar.
Garðabær óskar eftir tilboðum í byggingu leikskóla, ásamt fullnaðarfrágangi húss og lóðar, við Holtsveg 20 í Urriðaholti.
Heildarstærð leikskólans verður 1.429 m2 og verða þar starfræktar 6 deildir fyrir 124 börn á aldrinum eins til sex ára.
Byggingin verður úr KLT einingum (krosslímdum timbureiningum) og að mestu á einni hæð, tvær hæðir að hluta.
Fullkláruð skal byggingin hljóta umhverfismerki Svansins.
Útboðsgögn verða afhent rafrænt á vef Garðabæjar, gardabaer.is frá og með 10. mars 2022.
Tilboð skulu hafa borist á skrifstofu Garðabæjar eigi síðar en 19. apríl 2022 kl 14:00. Þá mun opnun tilboða einnig fara fram.
Verkinu skal skilað fullbúnu fyrir 1. ágúst 2023.
