Ríkiskaup, fyrir hönd Fasteignafélags Akraneskaupstaðar, óska eftir tilboðum í alla verkfræðiráðgjöf og gerð útboðsgagna vegna verkefnisins „Grundaskóli, C álma“.
Um er að ræða breytingar á C-álmu (mhl 01). C-álma stækkar þannig að 3. hæð fær að hluta til nýtt og hærra þak sem nær gafla á milli.
Þá verður byggt nýtt anddyri vestanmegin ásamt því að byggt verður yfir eldri útistiga. Einnig verður anddyri við suðurhlið stækkað og gert nýtt anddyri við norðurhlið.
Innandyra verða tilfærslur á rýmum, salerniskjarnar færðir til og stækkaðir og almennt lögð áhersla á björt rými með góðri hljóðvist og góðu aðgengi.
C-álman stækkar úr u.þ.b. 2.320m2 í 2.750 m2 og úr u.þ.b. 9.660 m3 í 11.060 m3.
Allar nánari upplýsingar um útboðið er að finna í útboðskerfi Ríkiskaupa, TendSign.is
Leiðbeiningar varðandi útboðskerfið er að finna á heimasíðu Ríkiskaupa.
