Fyrirséð er að ríkissjóður taki á sig högg vegna lánveitingar til Vaðlaheiðaganga hf.
Félagið fékk lán úr ríkissjóði til byggingar Vaðlaheiðaganga og stóð það í 18,5 milljörðum króna um áramót.
Lánin voru á gjalddaga í maí og gat félagið á þeim tímapunkti ekki endurgreitt skuld sína.
Í fjárlagafrumvarpinu segir að rekstur Vaðlaheiðaganga standi ekki undir þeim áætlunum sem lánveitingin byggði á og er vinna við fjárhagslega endurskipulagningu hafin.
Á þessum tímapunkti liggur ekki fyrir hvernig staðið verður að henni en ríkissjóður gerir ráð fyrir neikvæðum áhrifum á endurheimtum.
Heimild: Ruv.is
