F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Elliðaárvogur/Ártúnshöfði, svæði 1 og 2 – Gatnagerð og lagnir. Hönnun, EES útboð nr. 15332
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 14:00 þann 29. nóvember 2021. Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 15. desember 2021.
Yfirlit yfir verkið:
Verkið felst í hönnun gatna, stíga, hitaveitu, rafveitu, fráveitu, kaldavatnsveitu blágrænna ofanvatnslausna og opinna svæða skv. deiliskipulögum fyrir Elliðavog Ártúnshöfða, svæði 1 og 2, sjá mynd 1.
Um er að ræða nýtt íbúðahverfi, sem að hluta verður blandað atvinnustarfsemi, byggt er á núverandi atvinnu- og iðnaðarlóðum. Hluti af nýjum götum verða á núverandi götum og verða með breyttu þversniði.
Að meginhluta er þó um að ræða nýjar götur sem byggðar eru gömlum atvinnulóðum. Einnig þarf að breyta legu Sævarhöfða og tengja hann við Bryggjuhverfi. Þar sem ekki er komin landfylling undir götur og lagnir sem á að hanna, skal hönnuður hanna götur og lagnir eins og landfylling sé komin.
Þetta á við nyrst á svæði 2. Landfylling eða strandvarnir eru ekki hluti af þessu útboði. Gatna- og ofanvatnshönnun Stórhöfða (Borgarlínuáss) er ekki með í þessu útboði.
Unnið er að vistvottun á deiliskipulögunum samkvæmt vottunarkerfi „BREEAM Communities“ og hefur skipulagsgerð tekið mið af kröfum vottunarkerfisins.
Öll hönnun í þessu útboði skal taka miðast við að uppfylla þær kröfur. Við hönnun er notast við BIM-aðferðafræði og skal ráðgjafi setja upp og viðhalda BIM-módeli fyrir hönnun sína.
Nánar tiltekið felst verkefni ráðgjafa í fullnaðarhönnun og ráðgjöf við:
- Nýtt gatnakerfi og nýja stíga, þ.m.t. gangstéttum, hjólaleiðum, bílastæðum og hjólastæðum, sem skiptist í:
- Götur með mismunandi þversniðum
- Færsla á Sævarhöfða með breyttu þversniði
- Stíga innan svæðisins sem eru ekki samhliða götum, sem sumir verða akfærir
- Hönnun á upphækkuðum gönguleiðum
- Gatna- og stígalýsingu
- Skiltun og yfirborðsmerkingu gatna, stíga og gatnamóta
- Hönnun á veitukerfum fráveitu, hitaveitu, vatnsveitu og rafveitu í samráði við Veitur ohf.
- Hönnun vegna landmótunar á grænum svæðum ásamt leik- og dvalarsvæðum og áningarstöðum
- Blágrænum ofanvatnslausnum í götum og á opnum svæðum.
- Settjörnum
- Færslu gaslagnar
- Landmælingum og úrvinnslu
- Gerð vinnustaðamerkinga og aðkomu á verktíma þ.m.t. bráðabirgðaakstursleiðir.
- Meðhöndlun ofanvatns á byggingartíma svæðanna.
- Gerð hæðarblaða fyrir lóðir
Þá skal gera útboðsgögn fyrir alla framkvæmdaáfangana vegna framkvæmda við götur, stíga, opin svæði, ofanvatnslausnir og lagnir Veitna ohf. Fella skal inn gögn frá öðrum veitu-fyrirtækjum; svo sem Mílu og Ljósleiðaranum (Gagnaveitan). Einnig skal ráðgjafi gera útboðsgögn fyrir framkvæmdaeftirlit.
Gera skal kostnaðaráætlun fyrir útboð og efnislista yfir það sem verkkaupi leggur til.
Hönnun skal vera í samræmi við gildandi kröfur, staðla og aðrar reglur sem í gildi eru. Einnig ber að hafa náið samráð við alla aðila sem að málinu koma, svo sem verkefnisstjóra verkkaupa, skipulagshöfunda, veitufyrirtæki og skrifstofur Umhverfis- og skipulagssviðs.
Helstu magntölur sem áætlaðar eru í verkinu eru eftirfarandi:
Lengd gatna 4330 m
Lengd stíga 3730 m
Opin svæði 64.560 m2
Dvalar- og leiksvæði og áningastaðir 14 stk
Fráveita 6.700 m
Vatnsveitulagnir 3.700 m
Hitaveitulagnir 3.700 m
Raflagnir (há- og lágspennulagnir) 6.200 m
Gatna- og stígalýsing 7930 m
Fjöldi útboðsgagna fyrir framkvæmdaverk 4 stk
Gerð hæðarblaða 30 stk
