Ríkiseignir hafa ákveðið að taka yfirlæknishúsið á Vífilsstöðum í gegn. Í meira en áratug hefur staðið til að laga þetta hús, sem er annað tveggja á Vífilsstaðalandinu sem hannað var af arkitektinum Guðjóni Samúelssyni.
Húsið var byggt árið 1920 og bjó Sigurður Magnússon, yfirlæknir berklaspítalans, þar. Þótti það afar flott og var lýst sem herragarðssetri.
Minjavernd mun sjá um viðhaldið á húsinu sem ekki er í notkun, en mikill heitavatnsleki varð þar fyrir meira en áratug síðan. Framtíðarnotkun hússins hefur ekki verið ákveðin.
Heimild: Frettabladid.is
