Tilboðsfrestur í lóðina að Hjallabraut 49 í Hafnarfirði hefur verið framlengdur til kl. 12:00 mánudaginn 23. ágúst.
Uppbygging í grónu hverfi á jaðri útivistarsvæðis við Víðistaðatún
Á lóðinni er heimilt að byggja tvö tveggja hæða raðhús, annað með þremur íbúðum og hitt með fjórum og þrjú einbýlishús á einni hæð.
Samtals tíu sérbýli og er gert ráð fyrir einu bílastæði fyrir hvert hús á sameiginlegri lóð. Búið er að marka lágmarksverð í lóðina sem er kr. 98.000.670.- m.v. BVT í júní 2021.
Lágmarksverð pr. íbúð í raðhúsi er kr. 8.881.965.- m.v. 155 fm og í einbýlishúsi kr. 11.942.305.- m.v. 185 fm.
Tilboð undir lágmarksverði teljast ógild.
Tilboðsgjafar eru hvattir til að kynna sér vel öll fyrirliggjandi gögn þ.m.t. deiliskipulag lóðar.
Sótt er um lóð á MÍNAR SÍÐUR. Eyðublað er að finna undir: Umsóknir – framkvæmd og skipulag – lóðarumsókn íbúðahúsnæði.
Tilboð í lóð ásamt öllum fylgigögnum þurfa að berast fyrir kl. 12 mánudaginn 23. ágúst 2021. Sama dag á sama tíma verða tilboðin opnuð í bæjarráðssal í Ráðhúsi Hafnarfjarðar.
Heimild: Hafnarfjörður.is
