F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verkefni:
Endurnýjun gönguleiða – útboð 2, útboð nr. 15250
Yfirlit yfir þau verkefni sem verkkaupi hyggst ráðast í sést á yfirlitsmyndum sem fylgir verklýsingunni. Rétt er að leggja áherslu á að listi yfir verkefni er ekki endanlegur eða tæmandi og geta ný verkefni bæst við og/eða önnur fallið út.
Um er að ræða endurnýjun á malbikuðum gönguleiðum og felst verkið í upprifi á yfirborði núverandi gönguleiða, jarðvegsskiptum þar sem þörf er á, yfirborðsfrágangi hliðarsvæða ásamt niðurtekt og endurnýjun á ljósastaurum og ljósastrengjum.
Einstakir verkstaðir eru á fjórum stöðum í borginni eins og sýnt er á yfirlitsmyndum í teikningahefti og skal verktaki gera ráð fyrir því í tilboði sínu.
Verk þetta skal vinna skv. útboðs- og verklýsingu þessari og öðrum fylgigögnum, sjá m.a. gr. 0.3.1.
Verkið skal vinna í samræmi við ákvæði gildandi reglugerða sem eiga við þessa framkvæmd og er verktaki að fullu ábyrgur fyrir því að þeim sé fylgt.
Lögð er áhersla á að allar magntölur eru áætlaðar (sjá nánar grein 0.5.5) og geta breyst. Helstu magntölur útboðsins eru:
Uppúrtekt 750 m³
Losun klappar 138 m3
Fylling 500 m³
Drenrör 122 m
Malbikun 950 m²
Niðurtekt/uppsetning ljósastólpa 8 stk.
Götuljósastrengir 130 m
Útboðsgögn verða aðgengileg á útboðsvef Reykjavíkurborgar frá kl. 14:00 þann 18. júní 2021, á vefslóðinni: http://utbod.reykjavik.is
Nýskráning fyrirtækja hefst með því að smella “Nýskráning“.
Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:15, 1. júlí 2021.
