Vegagerðin óskar eftir tilboðum í byggingu brúar á Hverfisfljót og Núpsvötn ásamt endurgerð vegakafla beggja vegna.
Hverfisfljót: Verkið felst í byggingu nýrrar 74 m langrar og tvíbreiðrar brúar yfir Hverfisfljót, um 20 m neðan núverandi brúa.
Brúin verður verður samverkandi stálbitabrú með steyptu gólfi í þremur höfum.
Einnig er innifalin vegagerð til að tengja nýja brú við núverandi vegakerfi. Nýr vegur og ný brú verða í nýju vegstæði á 1,1 km löngum kafla og endurbyggður vegur í núverandi vegstæði á 1,1 km löngum kafla.
Nýir vegir verða því um 2,1 km. Einnig verður byggður nýr áningarstaður við Hverfisfljót í stað núverandi áningarstaðar sem hverfur undir nýjan veg.
Núpsvötn: Verkið felst í byggingu nýrrar 138 m langrar tvíbreiðrar brúar yfir Núpsvötn á Hringvegi (1), ofan núverandi brúarstæðis, auk tengivega við núverandi vegakerfi beggja vegna.
Brúin verður eftirspennt steinsteypt brú með steyptu gólfi í fimm höfum. Nýr vegur og ný brú verða í nýju vegstæði á 1,9 km löngum kafla. Einnig verður byggður nýr áningarstaður vestan nýju brúarinnar.
Helstu magntölur eru:
- Gröftur 650 m3
- Fylling 86.500 m3
- Styrktarlag 22.200 m3
- Burðarlag 8.800 m3
- Kaldblandað malbik 40.400 m2
- Vegrið 1.376 m
- Mótafletir 3.900 m2
- Steypustyrktarjárn 249.000 kg
- Spennt járnalögn 3.770 kg
- Steinsteypa 2.700 m3
Verkinu skal að fullu lokið 15. nóvember 2022.
Útboðsgögn eru aðgengileg og verða afhent í rafræna útboðskerfinu TendSign frá og með sunnudeginum 13. júní 2021 og skal tilboðum skilað rafrænt í því útboðskerfi fyrir kl. 14:00 þriðjudaginn 13. júlí 2021.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda og verðtilboð..
Útboðið er auglýst á Evrópska efnahagssvæðinu.
Leiðbeiningar fyrir útboðsvefinn TendSign.
