Vegagerðin óskar eftir tilboðum í framkvæmd og fjármögnun verksins „Hringvegur (1) um Hornafjörð“. Framkvæmdin er í sveitarfélagi Hornafjarðar, Austur-Skaftafellssýslu.
Verkið felst í breyttri legu Hringvegar (1) um Hornafjörð og kemur til með að fækka einbreiðum brúm á Hringvegi (1) um þrjár og stytta hann um 12 km.
Verktaki skal, auk byggingu mannvirkja, fjármagna verkið að hluta til lengri tíma (20-30 ár).
Verktími framkvæmdarinnar er áætlaður allt að þremur árum.
Verkinu er skipt í fimm verkhluta:
Verkhluti 8.01 er gerð nýs Hringvegar (1) frá stöð 0 rétt vestan Hólmsvegar (9822) að stöð 18760 vestan Dynjandisvegar (9721) ásamt tengivegum og tengingum.
Verkhluti 8.02 er smíði 52 m langrar brúar á Djúpá.
Verkhluti 8.03 er smíði 250 m langrar brúar á Hornafjarðarfljót.
Verkhluti 8.04 er smíði 114 m langrar brúar á Hoffellsá
Verkhluti 8.05 er smíði 52 m langrar brúar á Bergá.
Útboðsgögn eru aðgengileg og verða afhent í rafræna útboðskerfinu TendSign frá og með sunnnudeginum 6. júní 2021.
Frestur til að skila inn umsókn um þátttöku í innkaupaferlinu og staðfestingu á hæfisskilyrðum skal skilað rafrænt á TendSign fyrir klukkan 14:00 þriðjudaginn 6. júlí 2021.
Ekki verður haldinn sérstakur opnunarfundur.
Útboðið er auglýst á Evróska efnahagssvæðinu.
