Undanfarin ár hefur gríðarlega mikil íbúafjölgun orðið í Árborg og öðrum nágrannasveitarfélögum í grennd við höfuðborgarsvæðið. Frá árinu 2017 hefur íbúum fjölgað um fjórðung.
Svo virðist sem ekkert lát sé á þeirri fólsfjölgun, að minnsta kosti ekki ef marka má eftirspurn eftir nýjum byggingalóðum á Selfossi, sem er stærsti þéttbýliskjarninn í Árborg.
Á Facebook síðu sveitarfélagsins er greint frá því í dag að fyrir skemmstu hafi 52 lóðir verið auglýstar lausar til úthlutunar í öðrum áfanga Björkurstykkja, sem er nýtt hverfi vestarlega á Selfossi.
Þar er búið að skipuleggja einbýlis-, par-, rað- og fjórbýlishúsalóðir fyrir samtals um 120 íbúðir. Um þessar lóðir bárust samtals 8895 umsóknir.
Farið verður yfir umsóknirnar áður en dregið verður úr gildum umsóknum í byrjun maí.
Heimild:Ruv.is
