Verkís hf., fyrir hönd Fasteignafélag Akranes, óskar eftir tilboðum í framkvæmdir við uppsteypu og utanhúsfrágang við nýjan leikskóla að Asparskógum 25, Akranesi.
Verkið nær til uppsteypu hússins, ásamt lagnavinnu við þá þætti sem tengjast uppsteypu. Verktaki skal koma fyrir gluggum og hurðum, ganga frá þakvirki, þakfrágangi og utanhússklæðningu.
Helstu stærðir:
– 1. hæð 966,6 m2
– 2. hæð 552,4 m2
– 3. hæð 46,3 m2
Heildarstærð byggingar 1565,3 m2 og 5607 m3
Verktaki tekur við byggingarsvæði frá jarðverksverktaka. Búið verður að fylla undir undirstöður, fylla í bílastæði og girða athafnarsvæði og setja upp hlið inn á vinnusvæðið.
Verklok á útboðsáfanga er 30. nóvember 2021, útboðsgögn verða afhent á stafrænu formi með því að senda tölvupóst á netfangið verkis.akranes@verkis.is þar sem fram kemur heiti verks, nafn bjóðanda, netfang og símanúmer tengiliðs bjóðanda.
Vettvangsskoðun verður haldin á verkstað 16. mars kl.14.00.
Tilboðum skal skila á skrifstofu Akraneskaupstaðar, Stillholti 16-18 Akranesi í síðasta lagi 14. apríl 2021 kl. 14:00.
