Útboð – Aðalstræti 92, Patreksfirði – Endurnýjun og breytingar
Örútboð nr. 315 innan rammasamnings 21201 – Þjónusta iðnmeistara
Ríkiseignir óska eftir iðnmeisturum til að taka þátt í örútboði vegna endurnýjunar og breytinga við Aðalstræti 92 á Patreksfirði sem hýsir lögreglu og sýslumann.
Starfsemi verður í húsinu eftir því sem mögulegt er vegna yfirstandandi framkvæmda.
Fyrirhuguð verkframkvæmd, verkhluti 1, nær til verkþátta sem nauðsynlegir eru til að koma fyrir lyftu í húsinu auk þess að endurgera húsið að hluta að innan. Meðal annars er um að ræða:
· breytingar á burðarvirki
· steinsögun og styrkingar
· tilfærslu á notkun rýma og endurnýjun
· færslu á lagnakerfum
· undirbúning að frekari breytingum á húsinu að lokinni þessari framkvæmd
Verklok eru 1. ágúst 2021
Þeir rammasamningshafar sem hafa áhuga á að fá send gögn og taka þátt í örútboðinu eru beðnir um að senda póst á utbod@rikiseignir.is
Tilboð verða opnuð hjá Ríkiseignum, Borgartúni 7a, 105 Reykjavík, þriðjudaginn 2. mars kl. 14.00.
