Fasteignafélag Árborgar óskar eftir tilboðum í framkvæmdina:
Fjölnota íþróttahús, Árborg – verkframkvæmd – frágangur innanhúss, Útboð nr. 21055.
Lauslegt yfirlit yfir verkið:
Verkefnið felur í sér fullnaðarfrágang á lagningu gervigrass í fjölnota íþróttahúsi á Selfossi. Gervigras skal vera á fyrirhugðum knattspyrnuvelli (auk öryggissvæðis) og á afmörkuðu geymslusvæði meðfram norðurgaflvegg hússins, samtals u.þ.b. 4100 m2.
Þá skal koma fyrir frjálsíþróttasvæði á suðurgafli húss, 1268m2 með malbik sem undirlag. Gera skal ráð fyrir stökkgryfju inná frjálsíþróttasvæði, stærð 9,8 m2 ásamt kastbúrum fyrir frjálsar íþróttir. Leggja skal göngubraut umhverfis gervigrasvöll. Íþróttasvæði skal skipt upp með netum og tjöldum.
Verktaki kemur að framkvæmdarsvæði þegar verið er að reisa fjölnota íþróttahús. Samræma þarf framkvæmd verks við verkáætlun núverandi verktaka á svæði. Samræming fer fram með byggingarstjóra framkvæmdar.
Upphaf framkvæmda: Framkvæmd hefst þegar verkkaupi hefur með formlegum hætti tekið tilboði bjóðanda.
Lok framkvæmda: 13. júlí 2021.
Skilyrði þátttöku eru nánar útskýrð í útboðsgögnum sem verða afhent á rafrænu formi frá og með þriðjudeginum 2. febrúar 2021. Þeir sem hyggjast taka þátt í útboðinu skulu hafa samband við Gunnar Kristjánsson hjá Verkís hf. með tölvupósti í netfangið gk@verkis.is og gefa upp nafn, heimilisfang, síma og netfang sitt og fá útboðsgögnin í kjölfarið send í tölvupósti.
Gögnum þátttakenda skal skila inn rafrænt á verkefnavef verkkaupa fyrir kl. 11.00 föstudaginn 19. febrúar 2021. Fyrirmælum varðandi skil gagna er nánar lýst í útboðsgögnum.
Mannvirkja- og umhverfissvið Árborgar
