Fasteignafélag Akraneskaupstaðar auglýsti á dögunum eftir tilboðum í alla verkfræðiráðgjöf vegna verkefnisins „Jaðarsbakki uppbygging íþróttamannavirkja.“
Mannvirkið leggst annarsvegar að norðurgafli Akraneshallarinnar og tengist sundlaugarbyggingu til vesturs hinsvegar.
Stefnt er að því að reisa ríflega 5,300 fermetra byggingu sem verður steinsteypt íþróttahús með 7 metra lofthæð. Undir húsinu verður kjallari og þar verða búningsherbergi, aðstaða kennara, þjálfara, dómara o.fl. ásamt stoðrýmum og geymslum.
Húsið á að geta þjónustað alla almenna íþróttaiðkun s.s. handbolta, körfubolta, blak o.fl. með uppsettum áhorfendabekkjum ásamt því að vera íþróttahús fyrir Grundaskóla.
Salurinn þarf að geta skipts í fjóra hluta í kennslu og einnig að geta tekið við uppsetningu fyrir veisluhöld, uppröðun borða í öllum salnum.
Hljóðvist og loftgæði skulu taka mið af því besta sem gert er í dag. Bruna- og öryggismál skulu einnig taka mið af því.
Heimild: Skagafrettir.is
