F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verkefni:
Skógarhús við Funaborg. Aðkoma á verktíma og stofnlagnir – Útboð nr. 15069
Verkið felst í gerð aðkomuleiðar og að leggja stofnlagnir í jörðu fyrir fyrirhugað
skógarhús við leikskólann Funaborg í Grafarvogi, Fundafold 42-44, Reykjavík. Sjálft
skógarhúsið er ekki hluta af þessu útboði. Aðkomuleiðin er vinnuvegur sem verður
fjarlægður eftir að skógarhúsið hefur verið byggt. Við gerð aðkomuleiðar þarf að
fjarlægja núverandi girðingar, gróður og sorpskýli og er það hluti af þessu útboði.
Helstu magntölur eru:
- Niðurtekt á stál- og timbur grindverkum – 73m
- Girðing í kringum vinnusvæði – 100m
- Vinnuvegur – 150m3 af þjöppuðu fyllingarefni
- Lagnaskurðir – 113m
- Fráveita í jörðu – 165m
- Vatnsveita í jörðu – 33m
- Brunnar fyrir fráveitu – 6stk
- Hitaveita í jörðu – 33m
- Ídráttarrör fyrir raflagnir í jörðu – 166m
Útboðsgögn verða aðgengileg á útboðsvef Reykjavíkurborgar frá kl. 12:00 þann 15. desember 2020, á vefslóðinni: http://utbod.reykjavik.is
Nýskráning fyrirtækja hefst með því að smella “Nýskráning“.
Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00, 5. janúar 2021.
