Garðabær leitar eftir tilboðum í byggingarrétt fjölbýlishúsalóðar við Eskiás 10 í Garðabæ.
Lóðin við Eskiás 10 er um 2.200 m2 og er heimild til að byggja á lóðinni fjölbýlishús með 12 íbúðum.
Heildarbyggingarmagn er 1.534 m2 og leitað er eftir tilboðum í allan byggingarrétt lóðarinnar í samræmi við úthlutunar- og útboðsskilmála.
Aðeins lögaðilar geta boðið í byggingarréttinn.
Tilboðsfrestur í byggingarrétt á lóðinni er til 1. október nk. Skila skal skriflegu tilboði á formi sem fylgir útboðsskilmálum, í lokuðu umslagi í Þjónustuver Garðabæjar, Garðatorgi 7, fyrir kl. 13:00 fimmtudaginn 1. október 2020.
Tilboð verða opnuð kl. 13:30 þann sama dag á skrifstofu Garðabæjar að viðstöddum þeim tilboðsgjöfum sem þess óska.
Nánari upplýsingar um útboðs- og úthlutunarskilmála má finna hér fyrir neðan.
Hér er hlekkur á deiliskipulag svæðisins sem má nálgast á vef Skipulagsstofnunar og í gegnum kortavef Garðabæjar:
Uppdráttur
Greinargerð
Ath. opna þarf útboðsgögnin hér fyrir neðan í nýjustu útgáfu af vafranum Chrome.
Gögn sem fylgja með auglýsingunni má nálgast hér fyrir neðan. Til að sækja gögnin þarf að gefa upp nafn og netfang til að hægt sé að senda t-póst á viðkomandi ef einhverjar breytingar verða gerðar á gögnunum, s.s. sem fyrirspurnir og svör.
