F.h. Umhverfis- og skipulagssviðs Reykjavíkurborgar er óskað eftir tilboðum í verkið:
Úlfarsárdalur. Fullnaðarfrágangur bókasafns, menningar-miðstöðvar og sundlaugar. EES útboð nr. 14722.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – Frá kl. 14:00, mánudaginn 3. febrúar 2020. Nýskráning fyrirtækja hefst með því að smella “Nýskráning“.
Vakin er athygi á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 14:00 þann 9. mars 2020.
Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupaskrifstofu 2 virkum dögum fyrir opnun tilboða, á netfangið utbod@reykjavik.is
Lauslegt yfirlit yfir verkið:
Verkið felst í fullnaðarfrágangi innanhús á bókasafni, menningar- og félagsmiðstöðvar, tónlistarskóla, og innisundlaugar. Einnig fullnaðarfrágangi útisundlaugar.
Byggingin er sunnan við Úlfarsbraut og austan við núverandi grunnskólabyggingu Dalsskóla sem er 2. áfangi í byggingakeðju mannvirkjanna við Úlfarsbraut 122-124 í Úlfarsárdal.
Helstu verkþættir eru:
Frágangur innanhúss: Múrverk, léttir innveggir og klæðningar, frágangur gólfa og veggja, frágangur lofta, innihurðir, glerveggir, hurðir, málun ásamt innréttingum.
Frágangur utanhúss: Yfirborðsfrágangur útisundlaugasvæðis
Raflagnir: Lágspennukerfi, lýsingakerfi, smáspennukerfi, hússtjórnarkerfi, innbrota- og aðgangskortakerfi, myndavélaeftirlitskerfi.
Lagnir: Neysluvatnslagnir, gólfhitalagnir, þrifatæki, vatnsúðakerfi OH1, loftræsikerfi og tæknikerfi sundlauga.
