Engin tilboð bárust í útboði vegna hönnunar og byggingar fjölnota knattspyrnuhúss á Torfnesi á Ísafirði.
Opnað var fyrir tilboð í verkið á hádegi í gær, föstudaginn 10. janúar.
Boðið var út á Evrópska efnahagssvæðinu í samstarfi við Ríkiskaup og alls sóttu 44 fyrirtæki útboðsgögnin.
Að sögn Guðmundar Gunnarssonar, bæjarstjóra Ísafjarðarbæjar, hafa margar ábendingar borist varðandi þær kröfur sem settar voru fram í útboðinu.
„Verið er að vinna úr þessum athugasemdum og í framhaldinu verður tekin ákvörðun um næstu skref,“ segir Guðmundur.
Heimild: BB.is
