Fjárfestar hafa keypt að minnsta kosti 17 einbýlishús á svæðinu í kringum Kópavogsskóla.
Þar af hafa þeir keypt 8 einbýlishúsalóðir við Skólatröð og Álftröð en reiturinn er mitt á milli Kópavogsskóla og Menntaskólans í Kópavogi.
Á reitnum verður heimilt að byggja allt að 180 íbúðir.
Ármann Kr. Ólafsson, bæjarstjóri Kópavogs, segir uppkaupin á viðkomandi reit hafa hafist fyrir þremur til fjórum árum.
„Nú er þetta komið í ferli. Málið er búið að fá forkynningu og er á leið í auglýsingu. Viðkomandi sendi inn erindi í skipulagsráð að lausn fyrir blettinn sem er að mörgu leyti mjög vel útfærð og tekur að einhverju marki tillit til byggðar sem fyrir er,“ segir Ármann
Heimild: Mbl.is
