F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Frakkastígur og Sæbraut. Gatnagerð, lagnir og umferðaljós. Útboð nr. 14410
Helstu magntölur eru:
· Uppúrtekt, efni á tipp: 2.600 m3
· Grúsarfylling: 2.000 m3
· Fráveitulagnir Ø150-Ø400: 160 m
· Lagnaskurðir fyrir ídráttarrör og strengi: 800 m
· Snjóbræðsla: 410 m2
· Tilsagaður grásteinskantur: 150 m
· Steyptur kantsteinn, 15-20cm: 700 m
· Malbikun gatna og stíga: 2.000 m2
· Hellulögn: 1.800 m2
· Þökulögn: 3.200 m2
Lauslegt yfirlit yfir verkið:
Yfirlit yfir verkið sést á yfirlitsmyndum. Um er að ræða þrjú aðskilin verkefni:
a) Endurgerð Frakkastígs á milli Skúlagötu og Lindargötu og gerð nýrrar tengigötu á milli Skúlagötu og Sæbrautar með tilheyrandi beygjurein og rofi í miðeyju Sæbrautar ásamt uppsetningu nýrra umferðarljósa og gatnalýsingar. Færa þarf strætóbiðstöðvar og gera göngustíga eins og teikningar sýna. Leggja þarf snjóbræðslu og lagnir veitustofnana. Þegar ný tengigata hefur verið tekin í notkun verður núverandi tengigata á móts við Skúlagötu 20 og það sem henni tilheyrir fjarlægt og tyrft yfir svæðið.
b) Endurnýjun umferðarljósa og göngu- og hjólaleiða á gatnamótum Snorrabrautar og Sæbrautar ásamt bættri lýsingu á gönguleiðir. Auk þess verður beygjurein og framhjáhlaup til austurs frá Snorrabraut inn á Sæbraut aflagt.
c) Endurnýjun umferðarljósa og gönguleiða á gatnamótum Katrínartúns og Sæbrautar ásamt bættri lýsingu á gönguleiðir.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá þriðjudeginum 26. febrúar 2019. Smellið á íslenska fánann til að fá útboðsvefinn upp á íslensku.
Nýskráning fyrirtækja hefst með því að smella á „Register“ eða „Nýskráning“.
Vakin er athygli á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00 þann 13. mars 2019.
Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupadeild 2 virkum dögum fyrir opnun tilboða, á netfangið utbod@reykjavik.is
