Hagnaður ráðgjafa- og verkfræðifyrirtækisins jókst um 8 milljónir á milli ára, og náði 60 milljónum.
Ráðgjafa- og verkfræðifyrirtækið VSÓ Ráðgjöf hagnaðist um 60 milljónir króna á árinu 2017 að því er fram kemur í ársreikningi félagsins. Árið 2016 nam hagnaðurinn 52 milljónum.
Rekstrartekjur fyrirtækisins jukust um 99 milljónir króna á milli ára. Árið 2017 námu þær 1.333 milljónum samanborið við 1.234 árið á undan.
Í árslok 2017 voru eignir metnar á 479 milljónir sem er aðeins minna en ári áður þegar þær voru metnar á 493 milljónir.
Eigið fé hækkaði aðeins á milli ára eða úr 226 milljónum í 233 milljónir.
Skuldir félagsins námu 245 milljónum samanborið við 268 í árslok 2016.
Stjórn félagsins lagði til að greiddur yrði 40 milljóna króna arður til hluthafa vegna rekstrarársins 2017 en í árslok voru hluthafarnir 16 talsins.
Fjórir einstaklingar áttu á bilinu 18 til 21% hlut í félaginu en aðrir hluthafar áttu 2,5% eða minna. Grímur Már Jónasson er framkvæmdastjóri VSÓ Ráðgjafar.
Heimild: Vb.is
