F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Víkingur – Endurnýjun aðalvallar. Jarðvinna, lagnir og tæknirými, útboð nr. 14385
Lauslegt yfirlit yfir verkið:
Í dag er náttúrugras á aðalvelli Víkings í Fossvogi. Breyta á vellinum í upphitaðan keppnisvöll með gervigrasyfirborði og vatnsúðarakerfi. Gengið verður frá tæknikerfum í rými undir núverandi stúku vallarins. Umhverfis völlinn kemur ný vallarlýsing sem þegar hefur verið boðin út og er því ekki er hluti þessa útboðs.
Hér á eftir verður gerð nánari grein fyrir framkvæmdinni:
· Grafa skal upp lífrænt efni undir núverandi náttúrugrasi ásamt grasyfirborðinu. Þykkt er áætluð að jafnaði um 30cm að jafnaði.
· Verktaki skal koma fyrir nýjum niðurföllum á vallarsvæði og tengja við núverandi lagnir í samræmi teikn. VSÓ nr. 1.33.
· Ganga skal að fullu frá stofnlögnum og snjóbræðslulögnum á vallaryfirborði undir komandi gervigras.
· Ganga skal að fullu frá vatnsúðurum meðfram báðum langhliðum vallarins ásamt stofnlögnum að þeim.
· Ganga skal frá jarðstrengjum út í ljósamöstur ásamt ídráttarrörum í jörðu.
· Ganga að fullu frá tæknikerfum fyrir snjóbræðslu, vatnsúðarakerfi og vallarlýsingu í suðurenda núverandi stúku undir áhorfendapöllum.
Fyrirspurnartíma lýkur: 14. janúar 2019. Ø Svarfrestur rennur út : 17. janúar 2019
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 12:00 þann 28. desember 2018. Nýskráning fyrirtækja hefst með því að smella á „Nýskráning“ eða „Register“.
Vakin er athygli á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00 þann 22. janúar 2019.
Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupadeild 2 virkum dögum fyrir opnun tilboða, á netfangið utbod@reykjavik.is
