Undirbúningur er hafinn vegna framkvæmda við breikkun Bessastaðavegar en einnig verður bílastæði við kirkjuna stækkað og lagðir göngustígar.
Fornleifafræðingar vinna nú að því að kortleggja framkvæmdasvæðið.
„Þetta er nú á byrjunarreit hjá okkur en sjálfur uppgröfturinn hefst á mánudaginn. Þetta er sögufrægt svæði og þarna er meðal annars bæjarhóll Lambhúsa sem þarf að skoða,“ segir Ragnheiður Traustadóttir fornleifafræðingur sem stjórnar verkinu.
Hún segir að við veginn séu minjar á um hundrað metra kafla frá öllum tímum.
„Við erum komin niður á minjar sem liggja undir gjóskulagi frá 1226. Byggð þarna teygir sig alveg aftur til landnáms.“
Heimild: Visir.is
