Sveitarfélagið Hornafjörður óskar eftir tilboðum í verkið „endurbætur á fráveitu, jarðvinna og lagnir Nesjahverfi okt. 2017“ eins og því er lýst í útboðsgögnum.
Hér er um almennt útboð að ræða og lýtur þeim reglum sem um það gilda.
Verkið felst í því að endurnýja lagnir í og við götu við Hæðargarð og Hraunhól í Nesjahverfi. Um er að ræða nýjan lagnaskurð fyrir nýjar skólp- og regnvatnslagnir sem eiga að leysa núverandi skólp- og regnvatnslagnir af hólmi. Núverandi skólp og regnvatnslagnir liggja gangstéttarmegin við kantstein gatnanna og því að hluta undir gangstétt. Einnig felst verkið í því að útvega lagnaefni, leggja lagnirnar, sanda í kringum þær og endurnýja heimæðar skólps og regnvatns út fyrir götur og tengja nýjar lagnir í heimæðar við þær gömlu. Síðan þarf verktaki að koma fyrir nýjum niðurföllum í göturnar og tengja við nýja regnvatnslögn.
Helstu magntölur eru u.þ.b.:
Rif og förgun á klæðningu 2.900 m²
Gröftur og fylling 2.000 m³
Fráveitulagnir 300 m.
Regnvatnslagnir 350 m.
Brunnar 12 stk.
Niðurföll 13 stk.
Miðað er við að full ljúka öllum verkþáttum útboðs.
Þeir sem hyggjast gera tilboð í verkið skulu hafa samband við Björn Imsland á skrifstofu sveitarfélagsins eða með tölvupósti í netfangið bjorni@hornafjordur.is nauðsynlegt er að gefa upp um hvaða gögn er beðið um og gefa upp nafn, heimilisfang, síma og netfang og fá í kjölfarið útboðsgögnin afhent rafrænt.
Útboðsgögn má einnig nálgast á skrifstofu Sveitarfélagsins Hornafjarðar að Hafnarbraut 27 Höfn frá og með fimmtudeginum 2. nóvember 2017 gegn 5.000 kr. greiðslu.
Tilboðsgjafar skulu vera búnir að skila inn tilboði eigi síðar en þriðjudaginn 28. nóvember 2017 kl. 14:00 er þau verða opnuð samtímis í viðurvist þeirra bjóðenda sem óska eftir að vera viðstaddir.
Áskilinn er réttur til að taka hvaða tilboði sem er eða hafna öllum.
Tilboð er bindandi í 5 vikur frá opnunardegi.
