F.h. Skrifstofu eigna- og atvinnuþróunar Reykjavíkurborgar er óskað eftir tilboðum í eftirfarandi verkefni:
Sala byggingarréttar og kaupum á íbúðum á lóðinni nr. 1 við Hallgerðargötu við Kirkjusand í Reykjavík, EES – útboð nr. 14071
Óskað er eftir tilboðum í kaup á byggingarrétti á lóðinni nr. 1 við Hallgerðargötu í Reykjavík og sölu til Reykjavíkurborgar á 20 íbúðum og um 650m2 húsnæði fyrir ungbarnaleikskóla í húsi því sem reist verður á lóðinni. Heimilt er að byggja á lóðinni allt að 82[1] íbúðir um 6.800m2 að brúttóflatarmáli, um 650m2 atvinnuhúsnæði, (ungbarnaleikskóla) og allt að 6.150 m2 kjallararými. Hluti lóðarinnar verður sérgreindur og nýttur fyrir leikskólann.
Auk þess fylgja með lóðinni Hallgerðargötu 1, lóðirnar Hallgerðargata 1A og 1B, hvor um sig um 23m2, en lóðir þessar eru ætlaðir fyrir djúpgáma fyrir sorp frá húsinu. Lóðum þessum verður einnig úthlutað til væntanlegs lóðarhafa. Staðsetning lóðanna er sýnd á deiliskipulagsuppdrætti og mæliblaði.
• Fyrirspurnarfrestur útrunninn: 13. nóvember 2017 – kl. 12:00.
• Svarfrestur útrunninn: 16. nóvember 2017.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 13:00 þriðjudaginn 24. október 2017.
Nýskráning fyrirtækja hefst með því að smella á „Register“.
Vakin er athygli á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00 þann 23. nóvember 2017.
