Byggð verður heit laug á þremur hæðum við Langasand á Akranesi. Í fréttatilkynningu frá Ístaki kemur fram að laugin muni bera nafnið Guðlaug. Akraneskaupstaður og Ístak hafi undirritað samninga um verkið. Það felst í uppsteypu á laugarmannvirki við Langasand ásamt tilheyrandi jarðvinnu og frágangi umhverfis.
Laugin verður í brimvarnargarðinum á Langasandi. Laugin verður á þremur hæðum Á fyrstu hæðinni verður grunn vaðlaug. Á annarri hæð verður heit setlaug og sturtur og á þriðju hæð verður svo útsýnispallur.
Framkvæmdir hefjast á næstu dögum og gert er ráð fyrir að laugin verði tilbúin í lok júní á næsta ári.
Heimild: Ruv.is
